Фактілер

Компания туралы негізгі фактілер

1. Кез келген көлемдегі компанияға тиімді шешімдер

   Клиентіміз ірі тамақ кәсіпорны ма, әлде шағын қоғамдық тамақтану нүктесі ме - маңызды емес: «Каштан» - нарықтағы клиенттердің барлық ауқымына жоғары сапалы өнімнің толық ассортиментін және тамаша қызмет көрсетуді ұсына алатын жалғыз компания.

2. Кең ассортимент

   «Каштан» саладағы ең кең ассортименттердің бірін шығарады және үнемі жаңа өнім әзірлеп, шығарып отырады. Клиенттеріміз алдында тұрған кез келген міндетке тиімді қаптама шешімін ұсына алатынымызға сенімді бола алады.

3. Кең жеткізу географиясы

   Біз өнімді дүние жүзіндегі компанияларға жеткіземіз. Сонымен қатар «Каштан» Ресей Федерациясы, Беларусь Республикасы, Қазақстан Республикасы және Шығыс Еуропадағы ең ірі тамақ өнімі өндірушілерімен тікелей жұмыс істеудің мол тәжірибесіне ие.

4. Инновацияларды енгізу

   Біздің әзірлемелер мен зерттеулер тобы клиенттерге инновацияларға қол жеткізуге, олардың жеке қажеттіліктері мен азық-түлік нарығының өзгермелі талаптарын қанағаттандыратын бірегей қасиеттері бар жаңа бұйымдарды пайдалануға мүмкіндік береді.

5. Клиенттер өнімінің сатылымын арттыру

   Біз әзірлейтін қаптаманың дизайнына зор көңіл бөлеміз. Бұйымдарымыздың есте қалатын сыртқы келбеті клиенттерімізге брендтерінің тұтынушылар арасындағы танымалдығын арттырып қана қоймай, өнім сатылымының нақты өсуіне қол жеткізуге мүмкіндік береді.

6. Клиенттердің шығынын оңтайландыру

   Өндірістік құзыреттеріміз бен өнімімізнің бірегей ерекшеліктерінің арқасында клиенттеріміз қаптаманы сатып алу мен пайдалануға байланысты жалпы шығындарын сапаға және қалыптасқан өндірістік үдерістерге нұқсан келтірмей жүйелі түрде азайтады.

7. Клиенттер жұмысының тиімділігін арттыру

   Қаптама шешімдеріміз клиенттерге қаптамамен жұмыс тиімділігінде нақты серпіліс жасауға мүмкіндік береді. Буып-түю жылдамдығын арттыру, сақтау мен тасымалдау кезінде қаптама мен өнімнің бүлінуін азайту, өнімнің жарамдылық мерзімін ұзарту - бұл мүмкіндіктердің бір бөлігі ғана.

8. Экологияға қамқорлық

   «Каштан» қоршаған ортаға қамқорлық жасайды және өнімді экологияға зиян келтірмейтін, қайтарымсыз қалдықтың пайда болуын азайтатын технологиялармен шығарады. Сондай-ақ біз қайталама шикізатты өңдеу инфрақұрылымына белсенді инвестиция саламыз, энергия тұтынуды азайту жобаларын іске асырамыз және шығарындылар мен су, шикізат шығынын азайту мақсатында үнемді өндіріс қағидаттарын енгіземіз.

9. Қатаң сапа стандарттары

   «Каштан» өндірістік қызметінде әлемдегі ең қатаң сапа стандарттарын мүлтіксіз ұстанады, жұмысының және клиенттерге ұсынылатын шешімдердің тиімділігін арттырудың жаңа тәсілдерін үнемі іздеп, енгізіп отырады.

10. Өндірістік кемелдік

    «Каштан» компаниясының өндірістік нормалары саладағы ең қатаң нормалар. Әрбір бұйым клиенттерімізбен келісілген және қол қойылған ерекшеліктерде көрсетілген нақты параметрлерге сай келеді.

11. Жеке көзқарас

    Компаниямыздың сату жөніндегі мамандары клиенттерге дәл өздеріне қолайлы бұйымдарды таңдауға көмектеседі, барлық бірегей қажеттіліктеріне сай үнемді шешім табуға мүмкіндік береді.

12. Ақпараттық қолдау

    «Каштан» компаниясының тәжірибелі сату мамандары клиенттерге нарықтағы соңғы үрдістер мен қаптамаға байланысты үдерістерді оңтайландыру мүмкіндіктері туралы білуге де көмектеседі.

13. Бірегей жобалар мен әзірлемелер

    «Каштан» конструкторлары жекелеген клиенттерге арналған дара шешімдер әзірлейді, ал технологтарымыз шығаратын қаптама бұйымдарына жаңа қасиеттер жасауда бастаушы болып қала береді.

14. Уақтылы жеткізу

    «Каштан» сервистік қызметі (сервис-менеджерлер мен логистика мамандары) тапсырыс берілген өнімнің клиенттеріміздің «есігіне» дейін уақтылы жеткізілуін қамтамасыз етеді.